Жыл сайын 7 сәуірде Дүниежүзілік денсаулық күні атап өтіледі. Соған байланысты Түркіменстанда соңғы бірнеше жыл бойы сәуірді "денсаулық айы" деп жариялап келеді.
"Өткен жылдарға қарағанда, биыл мемлекеттік дүкендерде спирттік ішімдіктер, аптасына екі-үш рет темекі сатылып жатыр. Темекі бағасы қымбат болғанына қарамастан, халық оны сатып алады, өйткені жекеменшік сауда нүктелерінде оның бағасы екі есе жоғары", - деді Түркіменстан астанасындағы шолушы Аманмұрат Бугаев.
Оның айтуынша, "денсаулық айында" темекі бағасы 15-20 пайызға қымбаттап кетеді.
"Мемлекеттік дүкендерде ең арзан темекі 25 манат (шамамен 7 доллар) болса, жекеменшік дүкенде ол 45-50 манат тұрады. Бірақ "денсаулық айы" басталып, баға 15-20 пайызға, 50-60 манатқа қымбаттады", - деді Бугаев.
"Мемлекеттік дүкендердің өз жоспары бар, оны орындау керек. Ал спирттік ішімдіктер мен темекіге сұраныс жоғары. Сол себепті бұл тауарларды саудадан алмаған", - деп түсіндірді Ашхабадтағы шолушы.