Ссылки доступа

Арманистон мухолифатининг етакчиси норозиликларни такрорлашга чақирди


Арманистон мухолифатнинг етакчиси Никол Пашинян норозиликларни қайта тиклашга чақирди. У бу ҳақда 24 апрель куни кечқурун ўзининг Фесйбукдаги саҳифасида баён қилди.

Пашиняннинг сўзларига қараганда, ҳукумат Серж Саргсяннинг бош вазир лавозимидан истеъфога чиқишидан Саргсян номзодини бош вазирликка кўрсатган Арманистон Республикачилар партиясини сақлаб қолиш учун фойдаланишга уринаяпти. У 25 апрель куни бош вазир вазифасини бажарувчи Карен Карапетян, парламент спикери Ара Бабалоян ва парламент кўпчилигининг раҳбари Ваграм Багдасаряннинг қўнғироғини кутишини таъкидлади.

Аввалроқ Карен КарапетянНикол Пашинян янги талабларни илгари сургани учун, 25 апрель кунига режалаштирилган Пашинян билан учрашувлар бўлиб ўтмаганини баён қилган эди. "У биз томонимиздан қатнашиши керак бўлган шахсларнинг рўйхатини таклиф қилди, шунингдек, фақат ўз кун тартиби атрофидагина музокаралар олиб боришини эълон қилди. Бу мзокаралар эмас, мутлақо ўз нуқтаи назарини баён қилишдир ", – деди у.

24 апрель куни Арманистондаги мухолифат ҳокимият вакиллари билан сиёсий консультациялар ўтказди. Арманистон Республикачилар партиясидан ҳеч ким Арманистон бош вазирлигига номзод бўлиши мумкин эмас, деб баён қилди Пашинян Ереванда халқаро журналистлар учун ўтказилган матбуот анжуманида. У бу партия ҳокимлигининг вақти ўтгани ва у аллақачон Арманистоннинг “шарпаси”га айланганини таъкидлади.

Никол Пашинян Арманистонда ҳукуматни тинч йўл билан топишириш дастурининг тўртта бандини такрорлади, улардан биринчиси, худди у таъкидлаганидек, яъни айнан бош вазир Серж Саргсяннинг бош вазирликдан истеъфога чиқиши амалга ошди. Пашиняннинг фикрига кўра, энди парламент “халқдан вакил” бўлган номзодни танлаб олиши керак.

23 апрель куни Арманистон бош вазири лавозимига бир ҳафта олдин тайинланган Серж Саргсян ўзининг истеъфосини эълон қилди. Ереван ва мамлакатнинг бошқа шаҳарларида 13 апрелдан бери унинг бош вазир этиб тайинланганига қарши оммавий норозилик ҳаракатлари бўлаяпти.

XS
SM
MD
LG