“Елк” партиясининг тўққиз депутати бор, бошқа мухолиф партия – "Царукян" эса 31 овозга эга.
Кўпчилик овоз ҳукумат тепасидаги Арманистон Республикачилар партиясига тегишли. У Арманистон “Дашнакцутюн” инқилоб партияси билан коалицияда бўлган. 25 апрель, чоршанба куни ҳукумат тепасидаги коалиция тарқаб кетди.
Арманистондаги сиёсий инқироз давомида икки ҳафтадан бери оммавий норозиликлар давом этаяпти, бу норозиликлар бош вазир Серж Саргсяннинг истеъфосига олиб келди. У 10 йил Арманистон президенти лавозимини эгаллаб турди. Ўзининнг охирги муддати вақтида Саргсян конституцион ислоҳот ўтказди ва бу ислоҳот бош вазир ваколатларини кенгайтирди. Ҳукумат Саргсяннинг ортидан истеъфога кетди.
25 апрель, чоршаба куни мухолифат етакчиси Никол Пашиняннинг тарафдорлари фуқаролар итоатсизлиги акциясини қайта тиклашди. Бу Пашинян ва ҳукуматдаги партия вакиллари ўртасидаги музокаралар бекор бўлганидан кейин рўй берди. Пашинян намойишчиларни Еревандаги Республика майдонига тўпланишга ва “халқнинг бахмал инқлобини мустаҳкамлаш”га чақирди.