Оның айтуынша, ЖЭС-ті жетілдіру жөніндегі келіссөз Алмазбек Атамбаев премьер-министр болып тұрған кезде басталған. Оны Омурбек Бабанов жалғастырып, Жанторо Сатыбалдиевтің премьерлігі тұсында келісім қабылданған.
Оторбаев үкіметі тұсында ЖЭС-ті жетілдіру жұмыстары басталса, Темір Сариевтің премьерлігі тұсында жалғасқан. ЖЭС-ті жөндеу жұмыстары үкіметті Сооронбай Жээнбеков басқарған тұста аяқталған.
"Олардың да бұған қатысы бар. Комиссия кінәліні атамайды. Оны тиісті органдар анықтайды. Біз саяси бағасын ғана береміз", - деді Масалиев.
Депутаттық комиссия жұмыс қорытындысын мамыр айында жариялауы мүмкін. Биыл 26 қаңтарда ЖЭС-те апат болып, астанадағы мемлекеттік мекемелер мен көптеген тұрғын үйлер жылусыз қалды. 30 қаңтарда Бас прокуратура апатқа қатысты қылмыстық іс қозғады.