Ссылки доступа

Эмомали Раҳмон террорчиликка қарши курашда “иккиёқлама стандартлар” сиёсатидан узоқлашишга чақирди


"Террорчи ва экстремистнинг на ватани, на миллати, на дини бор. Террорчи, бу террорчи, у ҳеч қачон “ўзимизники” ёки “бегона”, “мўътадил” ёки “мўътадил эмас” бўлиши мумкин эмас, деди Тожикистон раҳбари, 4 май куни, “Террорчилик ва зўравон экстремизмга қарши кураш” мавзусидаги халқаро анжуманни очиш пайтида.

«Террорчилик ва экстремизм на чегараларни, на давлатни тан олади, шунинг учун бугунги кунимизда террорчилик ва экстремистик гуруҳлар радикал диний, миллатчи ва бошқа жиноий ҳамжамиятлар билан чатишиб кетиб, душманлик ва зўравонликни, диний, конфессионал, этник хунрезликлар ва низоларни, ҳатто цивилизацияларнинг қарама-қаршилигини келтириб чиқаради”, - деб президентнинг сўзларини келтиради, унинг матбуот хизмати.

Эмомали Раҳмон жаҳон ҳамжамиятида ҳалигача “террорчилик” ва “экстремизм” тушунчаларига ягона ёндашув йўқлигини афсус билан таъкидлади. «Бизнинг назаримизда, террорчилик ва экстремизмга, шунингдек, зўравон диний радикализмга қарши самарали кураш “иккиёқлама стандартлар” сиёсати билан ҳеч қачон келиша олмайди», деди у. Тожик президентининг сўзларига қараганда, бундай ёндашув самарасиз бўлиб, «кўрсатилган хавфли таҳдидларнинг географиясини олдиндан айтиб бўлмайдиган шакллар ва услубларда кенгайтиришга кўмаклашади».

Тожикистон раҳбари террорчилар ва экстремистлар Ислом номини ниқоб қилиб олиб, исломофобия ва мусулмонларга нафратни оловлантиришга кўмаклашади. Эътиқод қилувчилари ер шарининг бир ярим милларддан ортиқ аҳолисини ташкил қиладиган ва замонавий дунё тараққиётига сезиларли ҳисса қўшиб келаётган Исломга доғ тушириш хавфли оқибатларга олиб келиши мумкин, деб огоҳлантиради Эмомали Раҳмон.

“Террорчилик ва зўравон экстремизмга қарши кураш” халқаро конференцияси БМТ, ЕХҲТ ва Европа Иттифоқи кўмагида Тожикистон ҳукумати томонидан ташкил қилинди. Унинг ишида дунёнинг 46 мамлакатидан 400 дан ортиқ иштирокчлар ҳамда 30 та халқаро ва минтақавий ташкилотлар, шунингдек, илмий-тадқиқот институтлари қатнашаяпти, деб хабар бермоқда ТР ТИВ.

XS
SM
MD
LG