Президент ўзининг Кремлдаги иш хонасидан Катта Кремль саройининг Андреев залига йўл олади. Қасамёд қабул қилганидан сўнг Владимир Путин Собор майдонига келади, бу ерда Кремль полкининг паради бўлиб ўтади. Шундан сўнг Благовещенск ибодатхонасида қисқа ибодат ўтказилади. 7 майнинг ўзидапрезидент Путин Давлат думасига янги ҳукумат раҳбарининг номзодини тавсия қилиши мумкин.
Бундан аввал ОАВ ўз манбаларига таяниб, Путин “диққатни салбий маънода” жалб қилмаслик мақсадида Москва бўйлаб президент кортежида анъанавий сайр қилишдан воз кечиши мумкинлиги борасида хабар тарқатган эди. 2012 йилнинг 7 май куни Владимир Путин учинчи муддатга президент ваколатларини бажаришга киришган эди. Ўшанда у Оқ уйдан(бу вақтда Путин ҳукумат раҳбари бўлиб ишларди) Кремлга машина ва одамлардан тозаланган Москва кўчалари бўйлаб келган эди.
5 май куни Россиянинг кўплаб шаҳарларида “У бизга шоҳ эмас” деб номланган норозилик акциялари бўлиб ўтди, тадбирларда Владимир Путиннинг тўртинчи муддатига қарши чиқишди. "ОВД-Инфо" маълумотига кўра, Россиянинг 27 шаҳрида 1597 киши ушланди. Улардан айримлари озод қилинди. Айримлар ҳибсда ушлаб турилибди, бошқалари эса суд қилинади.