Ссылки доступа

Қобул Тожикистон фуқароси бўлган икки болали аёлни эсктрадиция қилди


Афғонистон ҳукумати “Ислом давлати”га аъзоликда айбланган, Тожикистон фуқароси бўлган, икки нафар вояга етмаган фарзанди бор аёлни ўз ватанига экстрадиция қилди.

Фақат аёлнинг исми Хосият экалигигина хабар қилинмоқда, икки йил олдин уни Афғонистонда, экстремистларга қўшилиб кетишга уринаётганида ушлашган эди.

Тожикистоннинг Афғонистондаги элчиси Шарофиддин Имомов элчихона ходимлари билан суҳбатдан кейин Хосият жазонинг қолган қисмини ўз ватанида ўташ учун экстрадиция қилинишига розилик билдирди.

«Ушланганининг биринчи кунидан бошлабоқ, биз Хосиятнинг тақдирини кузатиб бордик. Бизнинг охирги учрашувимизда унинг ўзи уни Тожикистонга жўнатишга истак билдирди. Албатта, мамлакатимизнинг қонунлари инсонпарварроқ бўлиб, вояга етмаган болалари бор аёлларга нисбатан енгилликни назарда тутади. Нима бўлганда ҳам, биз Афғонистон қамоқхоналарида сақланаётган мамлакатимиз фуқароларига нисбатан лоқайд эмасмиз», - деди дипломат.

Аввалига Хосият ватанига экстрадиция қилишларини хоҳламади. Ўтган йили Афғонистон давлат телевидениеси эфирида у “Мен ислом мамлакатида яшашни хоҳлайман. Шунинг учун Афғонистонга келганман. Мени эса ушлашди ва“Ислом давлати” террорчилик гуруҳига аъзоликда айблашди. Лекин бу ҳақиқат эмас», - деб хабар берганди.

Афғонистон ҳукумати Хосият экстремистларга қўшилиш ниятида бўлганини баён қилганди. Ҳозирги кунда бу аёл ўз ватанида жазони ўтаяпти, унинг икки нафар боласи эса қариндошларининг васийлигида.

Тожикистон элчихонасининг маълумотларига қараганда, охирги тўққиз ой давомида тўрт нафар эркак ва вояга етмаган фарзандлари бўлган уч нафар аёл жазонинг қолган қисмини ўташ учун Афғонистондан ватанига қайтарилди. Бу Тожикистон фуқаролари экстремистик гуруҳларга қўшилиб кетишда айбланган эди.

XS
SM
MD
LG