Ссылки доступа

Қаламқас кенішінің құбыр жөндеушілері жұмыстарын тоқтатты


Вышедшие на акцию протеста работники месторождения Каламкас. 7 мая 2018 года.

"Маңғыстаумұнайгаз" компаниясына тиесілі Қаламқас кенішіндегі мұнай құбырын жөндеушілер жалақыны көтеруді, еңбек жағдайын жақсартуды талап етеді. Наразылар өздері жұмыс істейтін "КазПромЛогистик" компаниясының басшылары талаптарын орындамайынша жұмысқа шықпайтындарын айтады.

"Маңғыстаумұнайгаз" компаниясының мердігері "КазПромЛогистик" жауапкершілігі шектеулі серіктестігінің мұнай ұңғымаларын жөндеумен айналысатын бір топ жұмысшы мамырдың 7-cі күні таңғы жетіден бері жұмысты тоқтатып, жалақыны көтеруді, еңбек жағдайын жақсартуды талап етіп отыр.

Қайрат есімді (толық аты-жөнін айтудан бас тартты) жұмысшы Азаттыққа талаптары орындалса ғана Қаламқас кенішіндегі жұмыс орындарына баратындарын айтты.

- Бізде проблема өте көп. Ең бастысы жалақымызды 200 мың теңгеге өсіруді және еңбек жағдайын жақсартуды талап етеміз. Бізде тіпті еңбек шарты да жоқ. Үстімізге арнайы жұмыс киімін де бермейді. Өзіміз киіп келген жұмыс киімін жуатын су да жоқ, - деді ол телефон арқылы.

Жұмысшылар қазір қолдарына 90-120 мың теңге алатынын, бірақ оның отбасын асырау үшін мүлде жеткілікісіз екенін айтады.

Азаттық тілшісі "КазПромЛогистик" мекемесінің басшысы Ғарифулла Таимовты іздеп көрген еді. Бірақ мереке күндеріне байланысты офис телефонына ешкім жауап бермеді. Маңғыстау облыстық прокуратурасынан да жұмысшылар наразылығы туралы анықтау мүмкін болмады. Қазақстанда Отан қорғаушылар күні мен Жеңіс күніне орай мамырдың 7-9-ы күндері ресми демалыс деп жарияланған.

"КазПромЛогистик" жауапкершілігі шектеулі серіктестігі - 2011 жылы құрылған "Маңғыстаумұнайгаз" компаниясына мұнай және газ өндіруде техникалық қызмет көрсететін жеке меншік мекеме.

Маңғыстау облысындағы Бозащы түбегіндегі Қаламқас кенішін игерумен аймақтағы аса ірі мұнайгаз өндіруші компания "Маңғыстаумұнайгаз" акционерлік қоғамы айналысады.

XS
SM
MD
LG