Наздикони хонанда мегӯянд, дарвоза нодуруст насб шуда буд, бино бар ин, дар рӯи Ҳамроқулов афтид.
"Ҷонибек ва дигар хонандагони мактаб ҳамеша аз ин дарвозаи начандон баланд убур мекарданд. Мо хабар ёфтем, ки ин дарвоза се сол пеш аз ҷониби соҳибкори маҳаллӣ насб шуда будаст. Дарвозаро бе назардошти бехатарӣ насб кардаанд. Ҷонибек мехост, ба дарвоза овезон шавад, ки дарвоза ба рӯи ӯ афтидааст", - гуфт яке аз пайвондони Ҷонибек Ҳамроқулов.
Мудири мактаби №71 Зебихон Аҳмадова тасдиқ кард, ки қисмате аз замини мактабро дар ихтиёри соҳибкори маҳаллӣ гузошта буданд ва ин соҳибкор толори варзиш сохтан мехост.
Аммо сокинони маҳаллӣ ба ин ҳарфҳои мудир бовар надоранд.
"Ман дар ҳамсоягии мактаб зиндагӣ мекунам. Бо соҳибкор З.Р. ошноӣ дорам. Вай дар шаҳр мағоза дорад. Соҳибкор мехост, дар ҳудуди мактаб анбор созад, на толори варзиш", - гуфт як сокини маҳаллӣ.