Дар шаҳри Лиссабони Португалия рӯзи 10 май даври ниманиҳоии озмун баргузор шуд, ки Самойлова дар он бо суруди "Ман нахоҳам шикаст" ширкат кард.
Ин ҳунарманд мебоист, дар озмуни мазкур ҳанӯз дар соли 2017 ширкат мекард. Аммо "Евровидение" дар Украина доир шуд ва мақомоти он кишвар нагузоштанд, ки Самайлова ба Украина ворид шавад. Зеро, Самойлова бар хилофи қонунгузории Украина, ба нимҷазираи Қрим на тавассути гузаргоҳи марзии Украина, балки мустақиман аз Русия рафтааст.
Баъди ин ҳодиса созмондиҳандагони озмуни "Евровидение" қонунҳои ширкат дар озмунро тағйир доданд. Ҳамакнун, онҳое, ки мумкин аст, бо қонунгузории кишвари мизбони озмун мушкил дошта бошанд, аз ҳаққи ширкат дар озмун маҳрум мешаванд.
Даври ниҳоии озмун фардо - 12 май баргузор мегардад. Бархеҳо аз ҳоло тахмин мекунанд, ки намояндаи Кипр Элена Фурейр бо суруди "Шуъла"-аш пирӯз хоҳад шуд.