Ссылки доступа

РСЕ/РС: Ачиловага ҳужум Ашхободнинг сўз эркинлиги борасидаги ваъдасини инкор қилади


Туркманистон ташқи ишлар вазирининг ўринбосари Вепа Хаджиев 7 май куни Кенгаш эшитувларида баёнот бериб “Озодлик” радиосининг туркман хизмати мухбирлари мамлакатда тўсиқларсиз фаолият юритаётганининг ўзиёқ” Туркманистонда сўз эркинлиги чекланмаётганидан далолат эканини айтган эди.

Ҳисоботдан икки кун ўтиб Туркманистон расмийлари инсон ҳуқуқлари масаласида ўз зиммаларига олган халқаро мажбуриятларга қарамай Озодлик мухбири Солтан Ачилова яна бир бор ҳужумга учради. Ҳодиса 9 май куни, 68-ёшли Ачилова Ашхобод яқинидаги Иккинчи жаҳон уруши қурбонлари хотирасига ўрнатилган Мемориал мажмуадаги Мангу Оловга гул қўйиш маросимини суратга олишга кетаётган бир вақтда юз берди. Мемориалга кетиш йўлида у қора костюмли бир неча киши томонидан тўхтатилди. У ўзининг журналист эканлигини тушунтиришга уринди ва Ғалаба куни ҳақида лавҳа тайёрлаш ниятида эканилигини таъкидлади, бироқ эркаклар уни ушлашди ва ҳақоратлаб, таҳдид солишди.

Ачилованинг сўзларига қараганда, улар агар барча суратлар ўчирилмайдиган бўлса, у ҳолда гиёҳванд моддалар гумони билан ҳибсга олишларини айтиб пўписа қилишди. Бироқ журналист уларнинг талабини рад қилганида, фуқаро либосидаги эркаклар унинг камерасини куч ишлатган ҳолда тортиб олдилар ва барча суратларни ўчириб ташладилар. Журналист аёл икки соат ушлаб турилди, ундан “Озодлик” радиоси билан ҳамкорлик қилишни тўхтатишни талаб қилишди, кейинроқ қўйиб юборишди.

Солтан Ачилова Туркманистонда бир неча бор ушланган ва унга таҳдид қилинган. Ўтган йилнинг июлида Ачилова икки марта ҳужумга учради, шундан сўнг унга ўлдириш таҳдиди қилинди.

«2014 ва 2016 йиллар оралиғида бизнинг олти нафар журналистимиз давлат томонидан қўрқитиш ва ҳодисаларни ёритишда суистеъмолчиликлар компанияси туфайли ўз ишларини тўхтатишга мажбур бўлишди», — дейди Кент.

Озодлик Радиосининг бошқа бир мухбири Сапармамед Непескулиев, 2015 йилнинг июлидан “гиёҳванд моддалар иши” бўйича уч йиллик қамоқ жазосини ўтамоқда. Журналистнинг ҳамкасблари бу жиноий иш унинг касбий фаолияти туфайли уюштирилганини айтишади.

XS
SM
MD
LG