ҚР Иқтисодиёт вазирлигининг маълумотларига қараганда, пойтахтнинг автомобиль йўлларини реконструкция ва реабилитация қилишга қаратилган “Бишкек шаҳрининг кўча-йўл тармоғини ривожлантириш” лойиҳасини амалга оширишга Хитой 350 млн юань ажратади.
Яна 100 млн юань учта объект: Қум-Дўба (Қўчқорбоши), Минакелди ва Бўрон (Боласоғун) шаҳарчаларида археологик қазишмалар, реставрация, музейлаштириш ишларига ажратилмоқда.
Иқтисодиёт вазирлигида “Бишкек шаҳри кўча-йўл тармоғини ривожлантириш” лойиҳаси уч босқичда амалга оширилади. Ҳозирги вақтда пойтахтда йўлларни таъмирлаш биринчи босқич доирасида олиб борилмоқда. Яқин вақт ичида иккинчи босқич бошланади. Қўшимча 350 млн юань қайси босқич доирасида ишлатилиши қўшимча келишув билан белгилаб олинади.
Бишкекда 2018 йилда узунлиги 105 км бўлган 50 дан ортиқ кўчани таъмирлаш режалаштирилмоқда. Таъмирлаш ишлари Хитойдан олинган грант ҳисобига ўтказилади.