Вазирнинг сўзларига қараганда, ўлимларнинг катта қисми тиббий ёрдам учун кечикиб мурожаат қилиниши сабаб бўлган.
Елжан Биртановнинг брифингда айтишича, касалик даражаси зарур чоралар кўришни тақозо этадиган “юқори кўрсаткич”га етмаган ва карантин жорий қилиш эҳтимолини инкор қилди. «Бугунги кунда оммавий вакцинацияга эҳтиёж йўқ», — дея қўшимча қилди Биртанов. Унинг сўзларига қараганда, яқин ораларда бу касалликка қарши вакцинация режалаштирилмаган.
«Ўтган ҳафтада инфекциялар бўйича Миллий Мувоффиқлаштириш Маслаҳат қўмитасининг мажлиси бўлиб ўтди. Қўмита таркибига инфекционистлар ва эпидемиологлар аъзо бўлиб кирган. Улар вакцинация борасидаги масалага вақт эрта деган қарорга келишди», — деди Биртанов ва бу«мутлақо самарасиз ва катта ҳаражатли тадбир бўлишини» қўшимча қилди.
Биртановнинг айтишича, бугунги кунда касаллик билан боғлиқ 58 ҳодиса қайд қилинган. «Ўлганлар— 12 киши. Касал бўлганларнинг 18 нафари 14 ёшгача бўлган болалар, ўлганларнинг беш нафари тўрт ёшгача бўлган болалардир», — деди Биртанов журналистларга 4 июнь куни. Вазирлик маълумотига кўра, камида 4 136 киши белгиланган беморлар билан мулоқотда бўлган ва айни дамда улар антибиотикли профилактика олишмоқда.
Шунингдек Биртанов, Олмаотадаги Қозоқ зооноз инфекцияси институти базасидаги Марказий референс-лабораториясидан штаммларнинг сизиб чиқиши эҳтимолини инкор қилди.
Вазирнинг сўзларига қараганда, Соғлиқни сақлаш вазирлиги фуқароларга мурожаат қилиб касалликни юқтирмаслик мақсадида оммавий жамоат жойларига бормасликни маслаҳат берди. Менингококк инфекцияси оғир юқумли касаллик бўлиб, ҳаво орқали юқиши мумкин. Мазкур инфекция билан оғриганлар кўп ҳолатларда ногирон бўлиб қоладилар, инфекция ўлим ҳолатларига ҳам сабаб бўлади.