Ссылки доступа

Додситони зиндонии Ӯзбекистон 24 тани дигарро ба ҳабс бурд


Додситони кулли Ӯзбекистон рӯзи 5 июн барои рӯзноманигорон нишасти матбуотӣ баргузор кард. Дар ин нишаст гуфта шуд, ки дар доираи парвандаи ҷиноятии зидди додситони кулли пешин Рашид Қодиров нисбати 24 нафар айб эълон шудааст. Аз ин шумор 21 танро ба ҳабс гирифтанд.

"Мақомоти тафтишотӣ дар доираи парвандаи ҷиноятии Рашид Қодиров ҳолатҳои фасодкорӣ ва дигар ҷиноятҳоро ошкор карданд", - хабар доданд дар додситонии кулли Ӯзбекистон.

Додситони пешини Ӯзбекистон 22 феврали соли ҷорӣ боздошт шуд. Вай дар тамаъҷӯӣ, сӯистифода аз мақоми хизматӣ ва фасодкорӣ айбдор мешавад.

Қодиров соли 2000-ум додситони кулл таъйин шуд ва моҳи апрели соли 2015 барканор гардид. Алишер Қодиров, писари Рашид Қодировро бо гумони тамаъҷӯӣ ва қаллобӣ дар ҷустуҷӯи байналхалқӣ эълон карданд. Зидди падару писар то имрӯз дар ҳаҷми ним миллиард доллар шикоят ворид шудааст.

XS
SM
MD
LG