Ссылки доступа

Өзбекстанда автоунаа ичинде кароосуз калтырылган бала өрттөнүп кетти


Иллюстрациялык сүрөт

Фергана облусунун Бешарык районунда кароосуз калтырылган 9 жаштагы бала автоунаа менен кошо күйүп кетти. Укук коргоо органдарынан билдиришкендей, бала машиненин ичиндеги 5 литр бензинди төгүп, андан соң ширеңке чаккан.

Окуя 11-июнь күнү кечинде Фергана облусундагы Бекабад айылында болгон.

Маалыматка караганда, өрт атасы 9 жаштагы уулун унаанын ичине калтырып, өзү өрүк тергени кеткен маалда чыккан.

«ВАЗ-2102» унаасынын ичиндеги бала канистрдагы 5 литр бензинди төгүп, андан соң ширеңке чаккан. Ал ошол жерде каза болду. Учурда бул окуя боюнча прокуратура тергөө иштерин жүргүзүп жатат», — деп билдирди Фергана облустук ички иштер башкармалыгынын кызматкери.

Күбөлөрдүн биринин айтымында, адамдар күйүп жаткан унаага өрт өчүрүүчүлөрдөн мурун барышкан. Бирок анын эшиги бек болгондуктан, баланы куткара алышкан эмес.

XS
SM
MD
LG