Бу ҳақда Иқтисод вазири Олег Панкратов 28 июнь куни Бизнес ва инвестицияларни ривожлантириш Кенгашида маълум қилди.
Унинг сўзларига қараганда, инспектор тадбиркорни жаримага тортишдан манфаатдор бўлиши керак эмас, балки уни эҳтимолий қонун бузилишларидан огоҳлантириши ва биргаликда камчиликларни бартараф этиши керак. Алоҳида эътибор текширувчи инспекторнинг шахсий маъсулиятига қаратилади, унинг маъмурий ва жиноий тартибда ҳатти-ҳаракатларининг нечоғлиқ қонунийлиги кўриб чиқилади.
Шу билан бирга ўзига ишониб топширилган субъект устидан назоратни амалга оширган давлат идорасининг мансабдор шахси ва қонунларни бузган тадбиркорлик субъектига нисбатан кўрилган зарарнинг уч баробар миқдорида жаримага тортиш кўзда тутилмоқда. «Шу тариқа жойларда давлат амалдорларининг ва тадбиркорларнинг қонун бузилмаслигига манфаатдорлиги пайдо бўлади», - дейди вазир.
Мажлисда бош вазир Мухаммедкалий Абилғазиев, ҳукумат ҳам бизнес ва давлат ўртасидаги муносабатларни тўхтатиш ниятида эканлигини маълум қилди. Унинг айтишича, бизнес учун давлат хизматларини кўрсатиш имкон қадар электрон масофа орқали амалга оширилади.
Бундан аввал президент Сооронбай Жээнбеков асоссиз равишда бизнесни текширувларни тўхтатишга чақирган эди.
2017 йил январида ўша вақтда бош вазир бўлиб ишлаган Сооронбай Жээнбеков бу масала бўйича мамлакат рейтингини кўтаришга қаратилган махсус мажлис ўтказган эди. У 2019 йилга бориб энг яхшилар 50талигига кириш асосий мақсад эканлигини таъкидлаган эди.