«Бу каби одамларни миллат хоини дея эълон қилиш керак», дея баёнот берди Эмомали Раҳмон ўтган ҳафта охирида Сўғд вилояти раҳбарияти ва фаоллари билан бўлиб ўтган учрашувда.
Давлат раҳбарининг сўзларига қараганда, куч ишлатиш салоҳиятига эга идораларнинг ходимлари томонидан бўлаётган қўпол муносабат ва таъмагирилик туфайли хорижий сайёҳлар Тожикистонга келишдан воз кечмоқда. «Энг ёмони бундан жаҳон саҳнасида мамлакат обрўйи тўкилиб боради», - дея таъкидлади Эмомали Раҳмон.
“Меҳмон ва сайёҳларнинг миллий маданият ва урф-одатлар билан танишуви мамлакат дарвозасидан, яъни чегара ва божхона пунктлариданбошланади. Божхона ходимлари, Назорат ўтиш пунктларининг раҳбарлари ва маъсул ходимлари буни ёддан чиқаришлари керак эмас. Улар ҳамиша зиёли ва тараққий этган тожик миллатининг вакиллари эканликларини ёдда тутишлари лозим ”, -дея таъкидлади давлат раҳбари.
«Агар келажакда милиция ходими, божхона ходими ёки чегарачилар саёҳлардан пул таъма қилгудек бўлса ёки уларнинг мамлакат бўйлаб сайёҳатига тўсқинлик қилгудек бўлса уларни миллат хоини дея эълон қилиш керак ва қатъий равишда жазолаш лозим», - дея баёнот берди Эмомали Раҳмон.
