Таниқли тожик шоираси Адиба Азизнинг қонунчиликка республика фуқароси бўлган қиз билан никоҳга розиликучун, чет элликларга 50 минг АҚШ доллари миқдорида қалин тўлаш мажбуриятини юклаш таклифи ижтимоий тармоқларда қизғин баҳслар келтириб чиқарди.
Шоира келиннинг ҳисобрақамига чет эллик куёв томонидан тўланган пулнинг ярмини ўтказишни, иккинчи ярмини эса 10%дан бешта тенг қисмга бўлиб, қизнинг ота-онаси, давлат бюджетига, шунингдек етимлар, ногиронлар ва кексаларга жўнатишни таклиф қилди.
Адиба Азизнинг таклифини ҳаммадан кўра кўпроқ аёл жинсидаги фойдаланувчилар қўллаб-қувватлашди, уларнинг фикрига кўра, бундай қонун тожик аёлларининг қадрини ва обрўсини оширади. Улардан баъзилари қўшни Туркманистонда эр-хотин ўртасида муносабатлар ёмонлашган тақдирда, туркман аёллари ва уларнинг фарзандлари ҳуқуқини ҳимоя қилишга кўмаклашган шундай қоидалар киритилганини эслатишди.
Бироқ мунозараларнинг баъзи иштирокчилари бундай ташаббусга қарши чиқиб, бундай қонун “аёлларнинг ҳуқуқларини бузиши ва уларни товарга айлантириши”ни баён қилишди. Бошқалар эса ўз хотинларини хўрлайдиган тожик эрларига нисбатан ҳам шундай чекловлар киритиш фикрини билдиришди.
2011 йилда Тожикистон парламенти республика Оила кодексига ўзгартиришлар киритган бўлиб, бу ўзгартиришлар республика фуқароси бўлган аёллар билан никоҳ тузишни истаган чет элликларга никоҳ шартномаси тузиш ва хотинини уй-жой билан таъминлаш мажбуриятини юклаган эди. Натижада Тожикистон фуқароларининг чет элликлар билан никоҳ тузишлари сони ўн марта қисқарди.