Ссылки доступа

Бир кунда Туркиянинг уч вилоятида ўнлаб ўзбек фоҳишалари қўлга олинди


Туркиянинг Бўлу¸ Алания ва Трабзон вилоятларида хавфсзилик кучлари ўтказган амалиëтда ўнлаб ўзбек фоҳишалари қўлга олинди. Ўзбекистоннинг Туркиядаги элчихонаси вакилига кўра, Ўзбекистон ва Туркия одам савдосига қарши курашда тиғиз ҳамкорлик қилмоқда.

Туркия шимоли-ғарбидаги Бўлу вилояти хавфсизлик хизмати зобити Метин Қоратошнинг айтишича¸ 1 июль куни ўтказилган тадбир давомида 6 нафар ўзбекистон ватандоши пул эвазига секс хизмати кўрсатаётган пайтда қўлга олинган.

-Ўзбекистон ватандошлари тери-таносил касалликлари диспансерида текширувдан ўтказилди. Жарима ва депортация қилинадиганлар ҳибсхонасига жойлаштирилди. Улар ўз ватанларига чиқариб юборилгач, беш йил давомида Туркияга қайтиб кела олмайдилар¸ - деди Метин Қоратош. Унга кўра¸ ўзбек фоҳишалари Қорачайир маҳалласидаги бир паркда жинсий алоқа учун пул олаëтган пайтда қўлга олинган.

1 июлда Туркияниг Алания ва Трабзон каби вилоятларида ҳам ўзбек фоҳишалари қўлга олинган. Алания хавфсизлик хизмати зобити Меҳмет Тўпол ўғлининг айтишича¸ улар орасида "фоҳишалик қилгани учун Туркиядан чиқариб юборилган, аммо айланма йўллар орқали яна Туркияга қайтиб, яна танфурушликни бошлаб юборганлар бор".

У қўлга олинганлар ҳақида барча маълумот Ўзбекистоннинг Туркиядаги элчихонасига юборилганини айтди. "Пул эвазига секс қилаëтган пайтида ушланганларнинг қўлида ўзбек паспортлари бор. Мана исмлари: Сарвинозой 20 ëшда¸ Мафтуна 19 ëшда¸ Маҳфуза 36 ëшда¸ Зироат ва Хуршида 31 ëшда. Буларни сотиш билан 49 яшар ўзбек аëл Ойсара. Р шуғулланган"¸ - деди Меҳмет Тўпол ўғли.

Ўзбекистон элчихонасининг исми эфирда айтилмаслигини истаган вакили бу қўлга олишлар ҳақида расмий Тошкент хабардор этилганини айтди.

– Бу борада Туркия ва Ўзбекистон ўртасида тиғиз ҳамкорлик бор. Элчихона Туркияда ишлаб ҳалол меҳнат қилаëтганлар қаторида жиноятга қўл урган ëки одам савдогарлари қўлига тушиб танасини сотишга мажбур бўлаëтган ватандошлар борлигини инкор қилмайди. Агар бу ватандошлар қилган жинояти учун Туркияда қамалса, уларга ҳуқуқий ëрдам кўрсатилади¸ - деди элчихона мулозими.

XS
SM
MD
LG