Хельсинки учрашувига тайёргарлик билан боғлиқ масалаларни АҚШ Давлат котиби Майк Помпео Россия ТИВ раҳбари Сергей Лавров билан муҳокама қилди. Ҳар икки сиёсатчи Суриядаги вазият, Шимолий Кореяга нисбатан кескинликни юмшатилиши масаласидаги саъй-ҳаракатлар ҳақида гапиришди.
Сўнгги вақтларда Москва ва Вашингтон ўртасидаги муносабатлар совуқ урушидан кейинги даврдаги энг ноқулай даражага чиқди. Бу Россиянинг 2014 йил мартда Қримни аннексия қилиши, Россиянинг Суриядаги қуролли можаролардаги ва Украина шарқидаги роли, шунингдек, Россиянинг 2016 йилги АҚШ президентлик сайлов кампаниясига аралашуви билан боғлиқ.
Бир кун аввал, 2 июл куни Песков баёнот бериб Россия президенти барча масалалар бўйича Трамп билан компромиссга эришиш мумкинлигини, фақат Украинанинг Қрим ярим ороли бундан мустасно эканлигини айтган эди. Москва Қримни Россия ҳудуди деб билади.
Америка расмий шахслари Хельсинки учрашувида Россиянинг 2016 йилги АҚШ президентлик сайловларига эҳтимолий аралашувини муҳокама қилишда бирор бир прогнозларни билдирмаяпти. Америка махсус хизматларининг айтишича, Путин АҚШ сайловчиларига таъсир кўрсатиш борасида фармойиш берган. Бироқ, Трамп бир неча бор бу каби хулосаларни танқид қилган.