Ссылки доступа

Полиция Остонада очлик эълон қилган пайчиларни ушлади (видео)


Полиция ходимлари 3 июль куни Остонада бир неча йил муқаддам ўзлари пул тиккан қурилиш тугалланишини талаб қилиб чиқан бир неча пайчини ушлади ва уларни хизмат автобусларига ўтқазишди.

Полиция ходимлари шунингдек, «Комсомольский» турар жой мажмуаси яқинига ўрнатилган чодирларни ҳам бузиб ташладилар.

Куннинг иккинчи ярмида муаммоли турар жой пайчилари баёнот бериб, қурувчиларнинг ҳаракатларига норозилик сифатида очлик эълон қилишларини билдиришди. Уларнинг айтишларича, «Комсомольский» мажмуасини аввалига «Азбука жилья» компанияси қура бошлаган, аммо ўз зиммасига олган мажбуриятларни бажармади. Пайчиларнинг сўзларига қараганда, шундан сўнг ҳукумат объект қурилишини «Орда инжиниринг» деган бошқа бир компанияга берган. Бироқ уй қурилиши якунланмаган.

Ҳодиса жойидан:

Пайчиларнинг акцияси бошланганига бир соат ҳам бўлмай ҳодиса жойига полиция ходимлари ва прокуратура вакиллари етиб келди. Остонадаги Есил туман прокурорининг ўринбосари Сергей Смолин тўпланганларга мурожаат қилиб, уларнинг ҳатти-ҳаракатлари “руҳсат берилмаган акция” эканлигидан огоҳлантирди, шундан сўнг полициянинг махсус бўлими акция иштирокчиларини ушлашга киришди. Пайчилар митинг ўтказмаётганликларини, ҳибсга олишлар ноқонуний эканлигини тушунтиришга уриндилар, аммо уларнинг гапига ҳеч ким қулоқ солмади.

Остона шаҳар ҳокимиятининг маъмурий-ҳуқуқий масалалар бўлими бошлиғи Исабек Досжаннинг айтишича, акция ўтказиш учун акиматдан руҳсат олиш керак бўларди. Пайчиларнинг талаблари ҳақидаги саволга жавоб берар экан: "Акимат чоралар кўрмоқда. Аста-секин ҳал бўлади. Биз [пайчиларнинг] сўзларини раҳбариятга етказамиз", деди.

«Азбуки жилья» мажмуаларининг пайчилари баёнот бериб, қурилиш компанияси томонидан бир неча бор алданганликларини айтишади. 2016 йилда «Азбука жилья» компанияси раҳбарлари маблағларни ўзлаштириш айби билан қамоқ жазосига ҳукм қилинган эди. «Азбуки жилья»нинг айрим иншоатлари қуриб битказилди, айримлари эса музлатилганича қолмоқда.

XS
SM
MD
LG