Ссылки доступа

Ўзбекистон фуқароси Москвада пенсионер аёлнинг 300 минг доллар пулини ўғирлаб кетганликда гумонланмоқда


Москванинг Сатино-Русское қишлоғида пенсионер аёлнинг 300 минг доллар пулини ўғирлаб кетилган. Аёл пулларини картон қутида сақлаган. Бу ҳақда РИА Новости ҳуқуқни муҳофаза қилиш органларига таяниб хабар берди.

“Номаълум шахс 1953 йил туғилган пенсионер аёлнинг 300 минг долларини ўғирлаб кетган. Пуллар учинчи қаватдаги қўшимча хонада, картон қутида сақланган”, дейилади хабарда.

Таъкидланишича, ўғирликда шу уйда 10 йилдан бери турли юмушларни бажариб юрган Ўзбекистон фуқароси гумон қилиняпти.

Гумонланувчи ҳозир Россия ҳудудида эмаслиги ва унга нисбатан жуда катта миқдордаги ўғирлик учун жиноий иш очилгани хабар қилиняпти.

XS
SM
MD
LG