Ссылки доступа

Остонада очлик эълон қилган пайчиларни жавобгарликка тортишди


Остонада очлик эълон қилган пайчилар маъмурий жавобгарликка тортилди, деб хабар бермоқда Азаттиқ мухбири. 3 июль куни, ҳозиргача қуриб битказилмаган «Комсомольский» уй-жой комплексига ўз маблағларини киритган бир неча пайчилар очлик эълон қилишган эди.

Пайчи Гулнора Қосимованинг сўзларига қараганда, маъмурий суд қарорига биноан, норозилик акциясининг иштирокчилари бўлган Динара Сабдинова ва Светлана Абилқосимова 20 та ойлик кўрсаткичга (48 100 тенге ёки 140 доллар) жаримага тортилди (ҳар бири). Уларни тинч намойишлар ва митинглар ташкил қилиш тўғрисидаги қонунни бузганликда айблашди. Яна икки нафар пайчи – Сауле Тазеханова ва Гулмира Смагуловага огоҳлантириш беришди. Гулнора Қосимова суд муҳокамаси бир ярим соатча чўзилганини айтаяпти.

3 июль куни пайчилардан бўлган бир неча киши қурилишни тугатишни талаб қилиб, Остонанинг чап қирғоқ бўйида жойлашган, қуриб битказилмаган уй-жой комплекси олдида тўпланишди. Уларнинг сўзларига қараганда, «Орда инжиниринг» компанияси уйни ўтган йил декабрда қуриб тугатиши керак эди, бироқ ҳозирги вақтгача фақат қурилишнинг синчи ва уйнинг томи қурилган, холос.

Пайчилар қуриб битказилмаган уй олдида палаткалар ўрнатишди, бироқ бир неча соатдан сўнг, бу ерга келган полициячилар ҳаммани автобусга миндириб, олиб кетишди.

XS
SM
MD
LG