Тәжікстан сыртқы саясат мекемесінің хабарлауынша, айуандықпен жасалынған қылмыстың жіті тергеліп, қылмыскердің қатаң жазалануын талап етілген нота Ресейдің сыртқы істер министрлігіне жіберілген.
Бес жасар тәжік қызы Хувайдоның денесі 23 шілде күні Мәскеу облысы Серпухово қаласының теміржол станциясы маңында табылған. Ресей ақпарат құралдарының ақпараты бойынша, Хувайдо 22 шілдеде үйінің есігі алдында ойнап жүріп, жоғалып кеткен. Оның денесі келесі күні теміржол бойында жатқан спорт сөмкесі ішінен табылған. Сот-медициналық сараптама нәтижесі бойынша бес жасар сәби зорланып, пышақ жарақатынан қаза болған.
Тергеу комитетінің Мәскеу облысы бойынша басқармасы қылмысты жасады деген күдікпен қыздың әке-шешесінің көршісі, 28 жастағы Александр Семиннің ұсталғанын мәлімдеді.
Марқұм сәбидің әкесі Абдусалом Саидов қызды өзі дүкенге кіріп кеткенде, ал әйелі кіші қызын қарауға кеткенде ұрлап кеткенін айтады. «Кешкі бес шамасында болды. Қызды 5-10 минөт ішінде ұрлап әкетті... Оның денесін таңғы сағат төртте тапты», - дейді Абдусалом Саидов.
Ал бұл уақытта Ресейдегі Тәжікстан елшілігі Хувайдоның денесін отанына жөнелту үшін, тиісті құжаттар әзірленіп жатқанын хабарлады.