Ссылки доступа

Тәжікстанда терроризмді насихаттауға жаза күшейтілді


Тәжікстан президенті Эмомали Рахмон көпшілікті Интернетте терроризмге шақыру және террористік әрекетті әлеуметтік желілерде ақтауға қолданылатын жазаны күшейтуді қарастыратын заңға қол қойды. Бұл туралы 4 тамызда мемлекет басшысының баспасөз қызметі хабарлады.

Тәжікстан заңдарында "террористік әрекетті ақтау" деген түсінік террористік актіні қолдап, сол идеологяны дұрыс деп есептейтінін көпшілікке мәлімдеуді білдіреді. Осындай қылмыс жасағандарға енді 10 жылдан 15 жылға дейінгі аралықтағы жаза берзімі қолданылады.

Қылмыс кодексіне түзетулер жобасын тәжік парламентінің төменгі палатасы 13 маусымда қабылдады.

Заңды талқылау кезінде депутат Бахтовар Сафаров әлеуметтік желілер мен мессенджерлер террориз мен террористік әрекетті насихаттау алаңына айналған деп мәлімдеді.

Тәжік билігінің мәліметі бойынша, Таяу Шығысқа барып, "Ислам мемлекетіне" қосылған тәжікстандықтардың дені әлеуметтік желі арқылы арбалған.

Бір апта бұрын Тәжікстанның оңтүстігінде шетел туристерін өлтіріп кетті. Қылмыс теракт деп танылды, оның жауапкершілігін "Ислам мемлекеті" мойнына алды.

XS
SM
MD
LG