Исми ошкор этилмаётган, лекин А.З. инициали кўрсатилган аёл ўзининг бир неча мижозига атайлаб касал юқтирганликда айбланган.
7 август куни Шаартуз туман судида А.З. судда пушаймон бўлгани ва бундан буён фоҳишалик билан шуғулланмаслигини билдиргани, шунинг учун суд ушбу нозик жиҳатларни, шунингдек, судланувчи оиласининг оғир иқтисодий аҳволини ҳисобга олиб, унга нисбатан ҳукмни енгиллатишга қарор қилганини хабар беришди. У Тожикистон ЖКнинг “ОИВ инфекциясини юқтириш” деб номланган 125-моддаси бўйича айбдор деб тан олинди.
7 август куни Шаартуз туманининг прокурори Умед Каримзода давлат айбловчиси аёлни 2 йилга қамоққа олишни сўрагани, лекин суд судланувчи аёлнинг пушаймонлигини ҳисобга олиб, уни 1 йилга озодликдан маҳрум этишга ҳукм қилганини айтди. «Суд ишни кўриб чиқди, А.З.га айб қилиб қўйилаётган модда 2 йилдан 5 йилгача қамоқни назарда тутади, лекин суд судланувчининг пушаймон бўлганини эътиборга олди», - деди Каримзода.
Ҳукм чиқарилган кундан бери ҳали 10 кун ўтгани йўқ, шунинг учун А.Знинг қариндошлари ва унинг адвокати ҳукм устидан юқори турувчи суд инстанциясига шикоят қилишлари мумкин.
Маҳкума 30 ёшда, унинг икки фарзанди бор. Эри билан ажрашганидан сўнг у тижорат туридаги жинсий алоқа билан шуғуллана бошлаган ва 2014йилдан буён ОИВ/ОИТСга қарши кураш маҳаллий марказида ҳисобда туради. ОИВ борлиги аниқланганига қарамай, у интим хизматлар кўрсатишда давом этаверган. Унинг баъзи мижозлари бу аёлнинг телефонига қилинган қўнғироқлар ва хабарлар орқали аниқланди. Севги бандаси бўлган бу аёл мижозларининг орасида асосан уйланмаган йигитлар ва бир неча оилали эркаклар бор. Уларнинг ҳаммаси –Шаартуз туманида яшовчилардир.