Ссылки доступа

Тожикистон алоқа хизмати: Интернетга кириш билан боғлиқ муаммолар яна бир неча кун давом этади


Тожикистон алоқа хизмати уч кундан буён давом этаётган Интернетга кириш билан боғлиқ муаммоларга изоҳ берди.

Бу орган вакилларининг сўзларига қараганда, глобал тармоққа кириш билан боғлиқ муаммо профилактик ишлар ўтказилаётгани билан изоҳланади. Тожикистондаги кўплаб Интернетдан фойдаланувчилар уч кундан бери баъзи сайтларга, жумладан Озодлик Радиоси сайтига кириш тезлигининг пастлиги ёки чекланганидан шикоят қилишмоқда.

Тojnet белгиси остида фаолият юритаётган ва телекоммуникациялар давлат оператори бўлган «Точиктелеком» МЧЖга тегишли республика маълумотлар узатиш тармоғининг вакили Тоҳир Ёкубов ҳозирги вақтда алоқа линияларини мослаштириш учун профилактика ишлари олиб борилаётганини айтди.

У ишлар яна бир неча кун давом этиши, бу Интернетга киришда муаммолар билан бирга рўй беришини айтмоқда. Ёқубов провайдерлар Интернет билан вақтинчалик муаммолар бўлиши ҳақида огоҳлантирилганини айтиб ўтди.

Кўп фойдаланувчилар кўплаб сайтларга, жумладан Озодлик Радиоси ва «Азия-Плюс» сайтларига, шунингдек, ижтимоий тармоқлар ва мессенжерларга VPNсиз кира олмаётганликларидан шикоят қилмоқда

Айни пайтда провайдерлар Интернетга кириш билан боғлиқ муаммолар мавжудлигини тасдиқлашди, лекин улар бу вазиятнинг ўзларига ҳеч қандай алоқаси йўқлигини таъкидлашмоқда. 6 август, душанба куни бир нечта Интернет-провайдерлар ушбу вазият уларнинг бюджетига катта зарар етказаётганлигини хабар қилишди.

XS
SM
MD
LG