Қозоғистон миллий банки 2018 йил 9 август куни тенге курсининг заифлашуви ундан олдинги кундаги курсдан 1,6 фоизга, яъни бир доллар учун 354,6 тенге даражасигача пасайиши “Россияга нисбатан санкциялар тартиби кучайтирилишининг таваккали кўпайгани ва нефть нархининг тушиши жараёнида Россия рубли қадрсизланиши” оқибати бўлганлигини айтмоқда.
Миллий банк ўз баёнотида ҳозирги вақтда курс ташкил бўлиши унинг иштирокисиз ўтаётгани ва банк валюта бозоридаги вазиятни мониторинг қилиб бораётганини айтмоқда. Миллий банк ўз хабарида эҳтимол тутилган интревенцияларнинг тафсилотларини келтирмаяпти, бироқ “тенге курсининг сезиларли ва беқарорлаштирувчи тебранишларини юмшатишга йўналтирилган интервенцияларни” амалга оширишга тайёр эканлигини айтмоқда.
Баъзи маҳаллий молия экспертлари Миллий банкнинг валюта интервенциялари ҳақидаги ахборот ёпиқлиги бўйича хавотир билдиришмоқда.
Ой бошида Қзоғистон Миллий банки эълон қилинган эркин, мослашувчан алмашув курсини ҳимоя қилиб чиққан, бу “иқтисодиётдаги дисбаланслар”га йўл қўймасликка имкон беришини баён қилганди..