Америка алкоголли маҳсулотларига божлар 140 фоизга, енгил автомобилларга 120 фоизга, япроқли тамакига 60 фоизга кўтарилди. Бундан ташқари, косметика, гуруч ва кўмирга божлар ҳам оширилди.
Анқаранинг қарори “АҚШ маъмуриятининг турк иқтисодиётига атайлаб қилган ҳужумлари” туфайли келиб чиқди, деб ёзди твиттерда Туркия вице-президенти Фуат Ўқтой.
Август бошида АҚШ Туркиянинг ИИВ ва Адлия вазирлиги раҳбарларига нисбатан санкция жорий қилди. Анқара бунга акс жавоб кўрсатди. Тез орада АҚШ президенти Дональд Трамп турк пўлати ва алюминийини етказиб беришга божларнинг қўшимча кўтарилишини эълон қилди. Бу хабарлар давомида турк лираси долларга нисбатан минимумини янгилади. Президент Ражаб Эрдўған лиранинг рекорд даражада тушиб кетиши Анқаранинг мустақил сиёсатига қарши режалаштирилган акция эканлигини баён қилди. Йил бошидан бери миллий валюта ўз қийматининг тахминан 45 фоизини йўқотди. Шу кунлар арафасида турк етакчиси Америка электроникасини бойкот қилишга чақирди.