Түркі тілдес елдерінің ынтымақтастық кеңесі - түркі тілді елдерді біріктіретін халықаралық ұйым. Ол аталған бес ел арасында жан-жақты қарым-қатынасты дамыту үшін құрылған. Бұл саммит кезінде Өзбекстан ұйымға ресми түрде қосылады деп жоспарланып отыр. Биыл Түркі тілдес елдері ынтымақтастық кеңесіне төрағалық ету Қазақстаннан Қырғызстанға өткен.
Ұйым саммиті алғаш 2011 жылы Қазақстанда өткен. Одан кейінгі саммиттер Қырғызстан, Әзербайжан, Түркия және 2015 жылы қайтадан Қазақстанда өткен. 2016 жылы саммит Қырғызстанда өтуі тиіс еді, алайда ол жиын биыл ғана өткізіліп отыр.
Саммит отырысында Қырғызстан президенті Сооронбай Жээнбеков ұйымға Өзбекстанның қосылуы оның жұмысына тың серпін беретінін атап өтті. Бұған қоса Венгрия ұйымның бақылаушы мәртебесіне ие болды.
Саммитте Таулы Карабах тақырыбы қозғалды. Әзірбайжан президенті Ильхам Әлиев армян әскерінің әрекетін "геноцид" деп атады. Түркия президенті Режеп Ердоған түркі елдері басшыларын Әзірбайжанның аумақтық тұтастығын қолдауға шақырды.