Бұл оқиға түрік-грузин "Сарп" шекарасында тіркелген. Хабарларға қарағанда, Грузияның Г.П. есімді азаматының әрекеті мен оның үлкен чемоданы шекарашылардың күдігін туғызған. Шекарашылар чемоданды ашып көрсетуін талап еткен.
Чемодан ішінен шыққан 27 жастағы Өзбекстан азаматы шекарашыларды таңқалдырды. Полиция бөлімінде бұл қыздың Түркияға кіруге бес жылға тыйым салынғаны анықталды. Түркия полициясы қыз бен жігітті қамауға алды. Оларға қатысты қылмыстық іс қозғалды.
Түрік-грузин шекара бекетінде бір жылда осыған ұқсас екі оқиға тіркелген. Өткен жылы мамыр айында Түркияда Ресей азаматы чемодан ішіне тығылып Грузияға өтуге талпынған. Былтыр желтоқсан айында Грузия азаматы Түркияға чемоданға тығылып өтпек болған.