Амалдорлар муддатдан илгарги сайловлар ўтказилишини мураккаблаштирадиган қонунга ўзгартишларни қўллаб-қувватлаган “Фаровон Арманистон” ва "Дашнак-цутюн" партияларининг вакиллари эди.
Парламент тарқатилиши ва муддатдан аввал сайловлар ўтказилишини Арманистон бош вазири Никол Пашинян илгари сурмоқда. Парламентда бўлиб ўтган овоз беришдан сўнг у тарафдорларига мурожаат қилиб Ереван марказига норозилик акциясига чиқишга чақирди. Митингда нутқ сўзлаган Пашинян ҳукумат раҳбари лавозимидан истьеъфога чиқишини айтди. Конституцияга кўра Миллий Йиғин томонидан иккинчи бор бош вазирликка сайланмайдиган бўлса у ҳолда парламент тарқатиб юбирилади ва муддатдан илгари сайловлар ўтказилади. Пашиняннинг фикрича, сайловлар декабрь ойида бўлиб ўтади.
Никол Пашинян Арманистон ҳукуматига 8 майдан бери раҳбарлик қилади. У бу лавозимни апрель ойидан бери бутун мамлакат бўйлаб бўлиб ўтган оммавий норозиликлардан сўнг эгаллаган эди. Намойишчилар 10 йилдан бери мамлакатни бошқарган Серж Саргсянни мансабидан олиб ташлашга муваффақ бўлди.
Арманистон Миллий йиғини сешанба куни кечқурун бўлиб ўтган навбатдан ташқари мажлисида парламент регламенти тўғрисидаги қонунга ўзгартиш киритишди. Парламентдаги учта партия фракцияси - Арманистон Республикачилар партияси, “Дашнакцутюн” партияси ва “Царукян” блоки таклифи билан киритилган ўзгартишга кўра, фавқулотда вазият туфайли қандайдир масала кўрилмайдиган бўлса ёки депутатларга мажлисда иштирок этишга тўсқинлик қилинса, Миллий йиғин мажлиси ўтказилмаган деб эмас, балки тўхтаб қолган дея тан олинади.
Бош вазир Никол Пашинян баёнот бериб, киритилган ўзгартиш парламентнинг тарқатиб юборилиш имкониятларини пасайтиришини айтди. Ўзгартишларни қўллаб қувватлаган депутатлар ва сиёсий кучларни бош вазир "контрреволюционерлар" деб атади.
Сешанба куни кечқурун парламент биносига кириш йўлари беркитилди, Баграмян проспектида бош вазир чақириғига биноан одамлар тўпланди, шу тариқа улар қонунга киртилган ўзгаритишларга қарши чиқишди.