Ссылки доступа

ҚРнинг Конституцион палатаси собиқ президентнинг дахлсизлигини Конституцияга зид деб тан олди


Олий суднинг Конституцион палатаси ҳуқуқшунос Нурбек Токтакуновнинг собиқ президентнинг мутлақ дахлсизлиги тўғрисидаги нормани конституцияга зид деб тан олишни сўраб қилган даъвосини кўриб чиқди.

Токтакуновнинг сўзларига қараганда, Конституцион палата президентнинг дахлсизлиги тўғрисидаги қонун 12-моддасининг (“Президент фаолиятининг кафолатлари тўғрисида”) дахлсизликни енгиб ўтишга имкон берадиган қоидаларни ўз ичига олмаган қисмини конституцияга зид деб тан олди.

«Оддий тил билан айтганда, улар [Конституцион палата] у [модда] Конституцияга зид эканлигини, чунки дахлсизликдан маҳрум қилиш таомилини ўз ичига олмаганлигини айтишди. Бу билан улар парламентга уларга (депутатларга) собиқ президентни дахлсизликдан маҳрум қилиш таомилини қонунга киритиш зарурлиги ҳақида эслатма жўнатишди, бунда ушбу таомил президентни лавозимидан маҳрум этиш (импичмент)данкам бўлмаган даражада мураккаб бўлиши зарурлигини айтиб ўтишди», - деб изоҳ беради ҳуқуқшунос.

Конституцион палата ҳуқуқшунос Нурбек Токтакуновнинг илтимосномасини 2018 йил июлда юритувга қабул қилган эди.

Ҳуқуқшунос собиқ президентнинг мутлақ дахлсизлиги ҳамманинг қонун олдида тенглиги тўғрисидаги конституциявий принципга зид деб ҳисоблайди.

XS
SM
MD
LG