Ссылки доступа

Трамп: Путиннинг заҳарлаш ва қотилликларга “эҳтимол алоқаси бор”


АҚШ Президенти Дональд Трампнинг фикрича, заҳарлаш ва қотилликларга Владимир Путиннинг алоқаси бўлиши “эҳтимоли бор”. Бу ҳақда Трамп CBS телеканалига берган интервьюсида баёнот берди.

Мухбирнинг Трамп қотилликлик ва заҳарлашларга Путиннинг алоқаси борлиги борасидаги фикрларга қўшиладими, дея берган саволига АҚШ президенти: "Ҳа, эҳтимол бордир. Эҳтимол", дея жавоб қайтарди. Трамп шунингдек, Россия ва Хитойнинг АҚШдаги сайловларга аралашуви эҳтимолини ҳам таъкидлади, у Пекиннинг таъсири “жуда ҳам катта муаммо” эканлигини қайд қилди.

Шу билан бирга Америка етакчиси президентлик сайловларида ғолиб бўлиши учун Россиядан ёрдам сўраганлиги борасидаги гапларни кулгули деб атади.

Нима учун Путин шаънига кескин баёнот бермаслиги борасида берилган саволга жавоб берар экан Трамп Путин билан мулоқотда “қатъийлик кўрсатиши” борасида баёнот берди ва июль ойида Хельсинкида Россия президенти билан бўлиб ўтган учрашувни “қатъий ва жуда ҳам яхши” бўлганлигини таъкидлади.

Ўтган ҳафтада ОАВ Россия ва АҚШ президентлари келаси йилнинг февраль ойида Финляндияда бўлиб ўтадиган Арктика кенгаши саммити доирасида учрашишлари мумкинлиги ҳақида маълум қилди.

Август ойида АҚШ Россияга нисбатан Англиянинг Солсбери шаҳрида собиқ икки томонлама агент Сергей Скрипал ва унинг қизи Юлия заҳарланиши муносабати билан санкцияларнинг биринчи раундиниқўллади. Вашингтон ва кўплаб ғарб мамлакатлари Скрипалларни айнан Россия разведкаси заҳарлагани борасидаги Лондон хулосаларини қўллаб-қувватлади. Санкциялар доирасида Россияга АҚШ миллий хавфсилиги билан боғлиқ, нефть ва газ қазиб олишда икки томонлама мақсадларда ишлатиладиган электрон ускуналар экспорти тўлалигича тақиқланди. Ноябрда Россияга нисбатан санкцияларнинг иккинчи раунди қўлланилиши кутилмоқда, чунки Россия кимёвий қуролларни ишлатмаслик борасида кафолат бермади ва халқаро кузатувчиларни ўзининг лабораторияларига киритмаяпти.

XS
SM
MD
LG