Судья мазкур қарорни Конституцияга сўз эркинлигини кафолатлаш бўйича киритилган 1-ўзгартириш асосида қабул қилди. Унга муфофиқ, Трамп твиттерда Дэниелс устидан кулиш ҳуқуқига эга.
Дэниелс эса Трамп билан ошиқ-маъшуқ бўлгани, Трамп эса уни ёлғон гапиришда айблаб, туҳмат қилаётганини тасдиқламоқда. Боз устига, Дэниелснинг кўрсатмаларига биноан агар президент билан ўзининг алоқаларини ошкор қилишдан тўхтамаса, унга жазоланиши ҳақида таҳдид қилинган.
Ундан шу бўйича тажовуз қилган одам ҳақида маълумот беришни сўрашганида эса, актриса фақатгина рассом томонидан наридан-бери чизилган расмни кўрсатган. Судья эса буни “арзонга қилинган қалбаки” фоторобот деб атаган. У шунингдек “агар даъвогар айбдор ҳақида ошкора айтишнинг ҳуқуқий оқибатларидан қўрқмаса, муқобил ҳаракат қилиш ҳуқуқига эга эканлиги”ни маълум қилган.
Март ойида Сторми Дэниелс АҚШ президенти билан ўзининг интим алоқалари ҳақидаги маълумотларни ошкор этмасликка доир келишув бўйича шикоят билан Трампни судга берганди. Унинг сўзларига кўра, Трампнинг адвокати Майкл Коэн унга 2016 йил жим юриши учун 130 минг доллар берган, бироқ ҳужжатда президент имзоси бўлмаган.
Шундан сўнг CNN эфирида у ўзига нисбатан таҳдидлар бўлаётгани ҳақида гапириб берганди. Трамп бунга жавобан унинг сўзларини “кичик ҳажвия” деб атаганди. “Жиннилар учун ишлайдиган фейк-янгиликлар медиасининг бузуғ иши”, - деб ёзганди у ўз твиттерида. АҚШ президенти шунингдек Дэниелснинг собиқ эри фотоси билан тенглаштирилган унинг портретини ҳам чоп этганди (ретвит қилганди).
Порноактриса эса Трамп томонидан твиттерда айтилган гаплардан кўнгли ранжиб, президентни туҳмат қилганликда айблаган ва уни судга берганди.