Ссылки доступа

Душанбе православ черкови Константинопол билан алоқалар узилганини эълон қилди


Рус православ черковининг бир қисми бўлмиш Душанбе православ черкови ҳам Константинопол билан бутунлай алоқасини узди. Бу ҳақда 16 октябрь куни Иеромонах (руҳоний мақомига эга православ монахи) Владимир маълум қилди.

«Душанбе епархияси Рус православ черкови қарамоғида туради. Шу тариқа биз ҳам черков қоидалари(канони)ни бузган Константинопол черкови билан евхаристик (биргаликда ибодатлар ўтказиш- таржимон) муносабатда бўла олмаймиз – у Украинадаги Рус православ черкови ҳудудларига бостириб кирди. Айнан шу сабабли ҳам кеча биз Минскда бўлиб ўтган Рус православ Черковининг муқаддас синодда Константинопол черкови билан евхаристик муносабатларни уздик», - дейди суҳбатдош.

Иеромонах Владимирнинг қўшимча қилишича, Украина президенти Петр Порошенко ўз мамлакати Конституциясини бузган ҳолда Черков ишига аралашди ва Константинопол черковидан Украина православ черковининг автокефалия (мустақил бўлиши-таржимон)сини сўради.

Тахминий маълумотларга кўра, Тожикистонда 30 минга яқин православлар бор, бу мамлакакт аҳолисининг 0,4% ни ташкил қилади.

Тожикистон ҳудудлари Рус православ черкови канон ҳудудлари таркибига киради. Тожикистондаги православлар черковлари маъмурий жиҳатдан Рус православ Черковининг Душанбе епархияси(Ўрта Осиё митрополит округи)га бўйсинади ва Душанбе епархиал бошқармасига 6 та ибодатхона ва ибодат жойлари қарайди, уларга 5 та руҳоний хизмат қилади.

Рус православ черкови Константинопол патриархати билан тўлалигича евхаристик муносабатларни узиш борасида қарор қабул қилди. Бу йил Константинопол черкови Украина черковига мустақиллик бериш жараёнини бошлади.

XS
SM
MD
LG