Департаменттің мәліметінше, 17 қазан күні кешке полиция қызметкерлері көшедегі бақылау кезінде автотұрақ маңында күдіктілерді байқап, тексеру жұмыстарын жүргізген. Сол сәтте күдіктінің бірі қашуға әрекеттенген. Күдікті артынан қуған учаскелік полиция инспекторына бірнеше жерінен пышақ салып, жарақаттаған.
Жараланған полицей қалалық аурухананың жан сақтау бөліміне жеткізіліп, ота жасалған, қазір жағдайы қалыпты.
"Күдікті қамауға алынды. Оған қатысты Қылмыстық кодекстің "Құқық қорғау органы, арнаулы мемлекеттік орган қызметкерінің, әскери қызметшінің өміріне қолсұғушылық" бабы бойынша қылмыстық іс қозғалды. Тергеу амалдары жүргізіліп жатыр" делінген хабарламада.