Мажлисни очар экан, Мажилис спикерининг ўринбосари Владимир Божко ўз нутқини комсомолнинг юбилейи билан табриклашдан бошлади.
- Бугунги кунни Қозоғистон мустақиллиги эълон қилинган даврни, 27 йиллик тараққиётини ва бу жараёнда собиқ комсомолчилар катта ҳисса қўшганликларини эслаш керак. Комсомол мактабидан чиққан, унинг сафларида тобланган, хўжалик, сиёсий ва ташкилий тажриба тўплаган собиқ комсомолларнинг тажрибаси мустақил Қозоғистоннинг қурилишида ёрдам берди. Залда ўтирганларнинг деярли ҳаммаси бу мактабни ўтаган, шу сабабли биз ёшлигимизнинг яхши даврларини эслашимиз керак, - деди Божко.
Орадан кўп ўтмай ҳамкасбини депутат Сергей Звольский қўллаб-қувватлади. "Мен бугун барчангизни байрам билан, комсомолнинг 100 йиллиги билан табриклайман. Бу яхши, биз ҳаммамиз унинг сафида бўлганмиз", -деди депутат.
Депутатларнинг табригига, орадан бир соат ўтиб, уларнинг ҳамкасблари Азат Перуашев кескин муносабат билдирди. Унинг таъкидлашича, "бунақа байрам йўқ". "Биз мустақил Қозоғистонда яшаяпмиз. Бизнингкалендарда бунақа байрам йўқ. Агар кимдир шахсий байрам сифатида нишонламоқчи бўлса, илтимос, бир-бирларингизни табриклаб қўяверинглар. Парламент мажлисида табриклаш шарт эмас", - деди Перуашев.
Бу масала бўйича бошқа депутатлар ҳам фикр билдиришди.
Октябрь ойининг сўнгги кунларида Қозоғистоннинг турли минтақаларида собиқ комсомолчилар ВЛКСМнинг 100 йиллигига бағишланган турли тадбирларни ўтказмоқда. Бу каби тадбирлар Олмаота, Семей, Атирау, Кокшетауда ўтказилди. 29 октябрь оқшомида Остонада ҳам юбилей тадбири ўтказилиши режалаштирилмоқда.