Шу билан бирга у, буни кулгили деб ҳисоблашини таъкидлади, чунки унинг сўзларига қараганда “ўзи ҳеч нарсага аралашмаган” экан.
Октябрь ойи ўрталарида CNN телеканали Мюллер Трампга унинг сайловолди штаби ходимлари Россия билан тил бириктиргани борасида саволлар рўйхатини юборгани ҳақида маълум қилган эди. Америка ОАВнинг ёзишича, Мюллер Оқ уй раҳбари билан шахсан суҳбатлашишни истамоқда.
Бундан аввал, АҚШ махсус прокурори Америка президентлик сайловларига Россиянинг аралашуви борасидаги тергов натижаларини ноябрь ойи ўрталарида, Конгрессга бўлиб ўтадиган оралиқ сайловлардан сўнг тақдим қилишини маълум қилган эди. Мюллер терговнинг иккита асосий моддаси бўйича ўз хулосаларини тақдим қилиши кутилмоқда. Улардан бири - АҚШ президенти Дональд Трамп сайловолди штабининг Кремл билан эҳтимолий тил бириктиришидир. Иккинчиси – АҚШ президентининг одил судловга тўсқинлик қилишидир.
Москва бошқа давлатлар сайловларига аралашганини қатьиян рад қилади.