"Өзбекстанда химия өнеркәсібін жедел дамыту жөніндегі шаралар туралы" президент жарлығында октаны жоғары бензинді "Навоиазот" АҚ басында өндіруді ұйымдастыру жайында айтылған. Жобаның алдын ала құны - 200 млн доллар, деп хабарлады жергілікті БАҚ.
Биыл желтоқсан айында GS, "Узхимпром" және "Навоиазот" бірлескен кәсіпорын құру туралы құжаттарға қол қояды. Кәсіпорын жылына метанолдан 104,3 мың тонна бензин және 14,4 мың тонна пропан-бутан қоспасын өндіреді.
2019 жылдың соңына дейін жобаның техникалық-экономикалық негіздемесі дайын болады.
2020 жылдың мамырында зауыт құрылысы басталып, 2022 жылы желтоқсанда кәсіпорын іске қосылады.