Бу пулларга қайта ишлаш ва агросаноат соҳасида янги ишлаб чиқариш корхоналари очилади, шунингдек ўрта ва кичик бизнес қўллаб-қувватланади.
Пенсия жамғармаси ва Миллий банкдан олинадиган пуллар йўналтириладиган лойиҳалардан бири - йирик шакар заводи қурилишидир. Қозоғистонда шакарга бўлган талаб бир йилда 500 минг тоннани ташкил қилади, бироқ ишлаб чиқариш атиги50-60 тоннани ташкил қилади, демоқда ҳукумат. Четдан олиб келингани боис сўнгги вақтларда шакарнинг нархи кўтарилиб кетди: Россияда қанд лавлагисининг ҳосил яхши бўлмади.
Қозоғистон бош вазири Бақитжан Сагинтаев ўзининг парламентга қилган мурожаатида бу каби лойиҳалар рўйхати иқтисодиётнинг турли секторларида тузилгани - уларнинг сони тўрт мингта эканини айтди. "Асосий лойиҳаларни белгилаймиз, биринчи навбатда иқтисодиёт камомадларини тўлдирадиган, одамлар учун озиқ овқат етказиб берадиган лойиҳаларга эътибор қаратамиз", – деди Сагинтаев.
Ҳукуматдагиларнинг айтишларича, Миллий банкдан олинадиган 300 миллиард тенге ва пенсия жамғармасидан олинадиган 300 миллиард тенгенинг база ставкаси 11% деб белгиланган. Қўшимча 4% – иккинчи даражали банклар манфаатларига хизмат қилади. Бизнес учун якуний ставка 15% атрофида бўлади, "бу бозор учун оғир", шу сабабли амалдорларнинг фикрича, давлат унга субсидия беради ва 8%га етказади.