Бұл жобаны жүзеге асыру үшін туристердің ортақ маршруттарын әзірлеп, жолдарды қалпына келтіру қажет. Мамандардың пікірінше, келіссөздер сәтті өткен жағдайда, бұл бастаманы Қырғызстан мен Тәжікстан қолдауы мүмкін. Осылайша, шетел туристері Жібек жолымен еркін саяхаттап, аймақтағы төрт елге бара алады.
"Турдың бір күні 50-80 доллар болады. Біз соған ұмтыламыз. Әрине, әртүрлі туристер бар, кейбіреуі 500 долларға дейін жаратуы мүмкін, ол әркімнің қалтасының қаншалықты қалың екендігіне байланысты", – деді KazakhTourism басқарма төрағасының орынбасары Тимур Дүйсенғалиев.