Сешанба куни АҚШ президентининг миллий хавфсизлик бўйича маслаҳатчиси Жон Болтоннинг маълум қилишича, Трамп ваПутин шу йилнинг июль ойида Хельсинкида бўлиб ўтган учрашувдаги мунозараларини давом эттирадилар. Болтоннинг сўзларига қараганда, Трамп Россия президенти билан "хавфсизлик масалалари, қуроллар устидан назорат, минтақавий масалаларни" муҳокама қилмоқчи. Болтон Яқин Шарқ ва Украина муаммосини тилга олди.
Трамп Россия томонидан якшанба куни Керч бўғозида Украинанинг учта ҳарбий кемаси ушланганини муҳокама қиладими дея берилган саволга, Болтон Оқ уйнинг қарашларини душанба куни АҚШнинг БМТдаги вакили Никки Хейли билдирди, деяжавоб берди.Маълумки Никки Хейли Россия ҳаракатларини кескин танқид қилган эди.
Оқ уй матбуот котиби Сара Сандерснинг айтишича, Трамп Путиндан ташқари Германия канцлери Ангела Меркель, Япония бош вазири Синдзо Абэ билан икки томонлама учрашув ўтказади, ҳамда ХХР раисиСи Цзиньпин билан бирга овқатланади.
«Катта йигирмалик» - иқтисоди тарақий этган йигирмата давлат раҳбарларининг саммитиАргентинада 30 ноябрдан 1 декабргача бўлиб ўтади.