Ссылки доступа

Киев кемелеринин камалышы боюнча эл аралык трибуналга кайрылды


Украина өз кемелерин орусиялык чек арачылардын басып алынышына байланыштуу Бириккен Улуттар Уюмунун (БУУ) Деңиз укуктары боюнча эл аралык трибуналына кайрылды. Бул тууралуу Украинанын Тышкы иштер министрлигинин сайтында жарыяланган билдирүүдө айтылат.

Анда Орусия Керч кысыгы аркылуу өтүүчү украиналык жана чет элдик кемелерди “бөлүп-жаруу куугунтугун” дагы эле улантып жатканы белгиленет.

Учурда трибунал БУУнун конвенциясынын бузулушу боюнча даттанууну карап жатканы кабарланууда.

Киев 25-ноябрда Керч кысыгында, Кара жана Азов деңиздери кесилишкен аймакта болгон окуяны “агрессия” деп баалаган. Орусия анда Украинанын үч кемесин, 23 суучулун кармап кетип, алардын 12син эки айга камаган. Буга байланыштуу Украинанын бир катар аймактарында аскердик абал жарыяланган.

Орусиянын президенти Владимир Путин 28-ноябрдагы билдирүүсүндө деңиздеги карама-каршылык үчүн расмий Киевди күнөөлөп, муну "украин президенти Петро Порошенконун келерки жылы өтө турган шайлоо алдында уюштурулган чагымы” деп баалады.

Видео

Видео

Аргымактарды аргындаштырган Баатыр Тагаев
пожалуйста, подождите

No media source currently available

0:00 0:08:33 0:00
XS
SM
MD
LG