Бу қадамнинг қўйилиши сабаби сифатида Америка етакчиси Россия чегарачилари томонидан Украина ҳарбий денгиз кучларига тегишли кемаларнинг қўлга олиниши билан боғлиқ ҳодиса ва Москванинг ҳибсга олинган денгизчиларни озод қилмаётганини кўрсатиб ўтди. АҚШ Президенти вазият барқарорлашгудек бўлса Россия президенти билан учрашувга тайёрлигини билдирди.
Россия президентининг матбуот котиби Дмитрий Песков баёнот бериб, учрашув бекор қилингудек бўлса у ҳолда Путинда "саммит доирасида бўлиб ўтадиган қўшимча учрашувлар учун вақт қолишини" маълум қилди, дея хабар беради РИА Новости ахборот агентлиги. Песковнинг таъкидлашича, учрашув бекор қилингани борасида Кремл ҳозирча расмий хабар олмади.
АҚШдаги Украина диаспораси вакиллари чоршанба куни Трампга мурожаат қилиб, 1 декабрь куни Аргентинада бўлиб ўтадиган «Катта йигирмалик» саммитида Путин билан учрашишдан воз кечишга чақирган эди. Аввалига Трамп учрашув бекор қилинишини истеъсно қилган эди. Кремл баёнот бериб, учрашувга тайёргарлик аввалгидек давом этаётганини маълум қилди. Кремлдаги ҳужжатларга таянган ҳолда, пайшанба куни Reuters агентлиги учрашув 1 декабр куни Москва вақти билан 17.30 да ўтказилишини ва икки соат давом этишини маълум қилди.
Июль ойи ўрталарида Хельсинкида Путин ва Трамп ўртасида илк бор тўла форматдаги учрашув бўлиб ўтди. Сўнгги бор етакчилар шу ойда Парижда қисқа мулоқотда бўлишди, улар Биринчи жаҳон уруши якунланганининг юз йиллигига бағишланган тадбирда қатнашдилар.
Бундан аввал АҚШ давлат департаменти ЕИ мамлакатларига мурожаат қилиб украин денгизчилари туфайли Россияга нисбатан санкцияларни кескинлаштириш ва уларнинг биргаликдаги «Шимолий оқим-2» энергетика лойиҳасини қайта кўриб чиқишга чақирган эди.