Финполиция маълумотларга кўра, биринчи компания - «У.Т. и К.» ОАЖ – 2017 йил ва 2018 йилнинг июн ойига қадар 1 764 тонна сурьма рудаси ва концентратни Хитойда бўлган халқаро «Б» компанияси манзилига экспорт қилган. Маҳсулот лицензиясидаруда ва концентрат Ўш вилоятининг Олой туманидаги «Алик Аликсуяк» конидан қазиб олингани кўрсатилган.
Бироқ Иқтисод вазирлигининг жавобида таъкиданишича, бу компаниянинг руда ва концентратларни импорт ва экспорт қилишига рухсат берувчи ҳужжатлари бўлмаган. Бир ярим йил мобайнида «У.Т. и К.» компанияси 6,2 млн сомдан ортиқ маҳсулотларни экспорт қилган. «Ноқонуний тадбиркорлик» моддаси бўйича жиноий иш қўзғатилди.
Иқтисодий жиноятларга қарши кураш давлат хизмати компаниянинг тўлиқ номини келтирмади, бироқ манбалар бу ерда гап Хитойнинг «Барс» компаниясига руда ва концентрат экспорт қилиб келган «Универсал Транс ва Ко» ОАЖ ҳақида бораётганини айтишмоқда.
Иккинчи компания –«Т.С» ОАЖдир. Финполиция маълумотига кўра, бу компания 2017 йил ва 2018 йилиюл охирига қадар «Ч.» тоғ-транспорт компанияси» (Хитой) ОАЖ манзилига умумий қиймати 4,2 миллион сомга тенг салкам1,5 минг тонна сурьма рудаси ва концентратни экспорт қилган. Корхона фақат разведка учун лицензияга эга бўлган, бироқ рудани қазиб олиш ва олиб чиқишга рухсати бўлмаган.
Манбаларнинг сўзларига қараганда, бу ерда гап Хитойнинг «Чжуня» тоғ-транспорт компанияси» ОАЖга руда ва концентрат экспорт қилган «Терек Сурьма» ОАЖ хақида бормоқда. «Ноқонуний тадбиркорлик» моддаси бўйича жиноий иш қўзғатилди.