Ссылки доступа

Ҳунармандони қирғиз дар ҷашнвораи Тошканд баранда эълом шуданд


Дар шаҳри Тошканди Ӯзбекистон IV Ҷашнвораи байналмилалии синамои PROlogue ба поён расид. Дар маросими хотимавии ҷашнвора барандагони он эълом шуданд.

Мадина Толиббекова барои бозидани нақши асосӣ дар филми муштараки Қирғизистону Ӯзбекистон -- "Дилбарам" ҷоизаи “Беҳтарин ҳунарманди зан”-ро соҳиб шудааст. Оқилбек Абдухолиқов аз Қирғизистон барои нақшаш дар филми Темир Бирназаров – “Садамаи шабона” беҳтарин ҳунарманд эълом гашт.

Филми "Дилбарам" бар пояи қиссаи нависандаи мардумии Қирғизистон Чингиз Айтматов "Ниҳолаки румолсурхаки ман" таҳия ва нахустнамоиши он 6 декабр дар Қирғизистон баргузор шуд.

Филми мазкурро дар деҳаҳои Наной ва Говаи вилояти Намангони Ӯзбекистон ва дар вилояти Иссиқкӯли Қирғизистон сабт карданд.

Нақшҳои асосӣ - Илёс ва Байтемирро бозигарони ӯзбек Адиз Раҷабов ва Улуғбек Қодиров офаридаанд. Нақши Асал ва Хадичаро - бозигарони қирғиз Мадина Талипбек ва Элина Абай қизӣ бозӣ карданд.

"Садамаи шабона"-и филми Бирназаров дар мавзуи муҳаббат аст. Нақшҳои асосиро Оқилбек Абдухолиқов бо номи Тентӣ ва духтаре мебозанд. Абдухолиқов нақши пирмардеро мебозад, ки шабе дар роҳ як духтари захмиро пайдо мекунад.

XS
SM
MD
LG