Можаро оқибатида чорвачилик нуқтасида ишлаётган Ўзбекистон фуқароси Тожикистондан келган ҳамкасби билан ваҳшийларча ҳисоб-китоб қилди. Икки эркак иш пайтида келишолмай қолишди, кейин муносабатларга ойдинлик киритиш мақсадида молхонага боришди.
“Даҳанаки жангдан сўнг Ўзбекистоннинг 36 ёшли фуқароси Тожикистондан келган 51 ёшли фуқарони пичоқлайди. Сўнг гумонланувчи жиноят изларини беркитишга уринади. Қурбоннинг калласини кесади ва печкага ташлайди, жасадни эса молхонадан олиб чиқиб, пичан уюми орасига яшириб қўяди”, - дея нашрга маълумот беради РФ тергов қўмитаси Среднеактубинск тумани тергов бошқармаси тергов бўлими раҳбари Евгений Вистропов.
Шу куннинг ўзида кечки пайтга яқин муҳожир сир сақлаш шарти билан рўй берган воқеа ҳақида ҳамкасбларидан бирига айтиб беради, лекин у шу пайтнинг ўзидаёқ чорвачилик мажмуи хўжайини ва ҳуқуқ-тартибот органларига хабар беради.
“Кечга яқин ҳодиса жойига тезкор суриштирув гуруҳи етиб келиши билан гумонланувчи қўлга олинди. Қотилнинг руҳий саломатлиги бўйича айрим шубҳалар бор, сабаби у бошни печкага ташлаб юбориш ҳолати бўйича шундай изоҳ берди. Қурбон ундан кўзини узишни хоҳламаган ва бу унинг асабини ўйнаган”, - дейди Евгений Вистропов.
Айни пайтда гумонланувчи ушланган, терговчилар уни қамоққа олиш бўйича судга мурожаат қилишни режалаштиришмоқда.