Компания Өзбекстанның тұңғыш президентінің үлкен қызы Гүлнара Каримоваға елдік телекоммуникация нарығына кіру үшін 331 млн доллар пара берген деген айыпқа ұшыраған соң, Telia АҚШ әділет министрлігіне 1 млрд доллар көлемінде айыппұл төлеген. Енді ол Ucell компаниясын сатып, Өзбекстан нарығынан шықты.
5 желтоқсанда Telia Өзбекстаннан шығу аяқталғанын жариялады. "Telia компаниясы Ucell (FE Coscom LLC) компаниясындағы үлесін 215 миллион долларға сатты. АҚШ әділет министрлігі бұл туралы дер кезінде құлағдар етілді", - делінген Telia компаниясыны таратқан мәлімдемеде.
Telia Өзбекстаннан шығу үшін үш жылдан астам уақыт жұмсады. Мұндай шешімін компания 2015 жылы жариялаған. 5 желтоқсанда Telia "лайықты сатып алушы" таппаған соң, Ucell компаниясын үкіметке сатуға мәжбүр болғанын жариялады.