Оның мәліметі бойынша, бұл ақша жол құрылысына қатысты тендерді жеңіп алу үшін берілген. Ұсталған шенеунік тендер комиссиясын басқарған.
Шетел компаниясының мүддесін қорғау үшін 520 мың доллар сұратылған. "Оның бір бөлігін - 120 мың долларды Ж. А. бұған дейін шетел компаниясының өкілінен алған. Қалған ақшаны одан кейінгі апталарда алуды жоспарлаған" делінген комитет хабарламасында.
Ұсталған шенеунік тергеу абақтысына отырғызылды. Онымен бірге тағы кімдер ұсталғанын комитет хабарламады.
Комитет жариялаған Ж. А есіміне Азимкан Жусубалиев сәйкес келеді. Ол жол және көлік министрінің орынбасары қызметіне 2017 жылы ақпанда кіріскен.